日本票選網站「Ranking.goo」幾乎定時定候就會舉行「女性最想擁有的明星臉」票選，從中除咗可以睇到日本女星嘅人氣程度，仲可以一窺日本女性嘅審美標準。而最新票選結果就於日前出爐，整個榜單雲集多位女神級人馬。連「結衣BB」都只能屈居第三，一齊黎睇下邊個擊敗佢啦！

新木優子

上戸彩

長澤正美

福原遥

綾瀬遙

有村架純

白石麻衣

桐谷美玲

川口春奈

生見愛瑠

從榜單第二十名數起，上榜嘅日本女藝人分別為新木優子、上戸彩、長澤正美、福原遥、綾瀬遙、有村架純、白石麻衣、桐谷美玲、川口春奈，以及生見愛瑠(めるる)。當中大家較為陌生嘅，相信就係現年21歲嘅模特兒兼演員「生見愛瑠」。佢於2014年參加AVEX嘅徵選而出道，歷年黎擔任過多本少女時尚雜誌嘅專屬模特兒，所以於年輕女性中嘅人氣頗高。

深田恭子

浜邊美波

廣瀬鈴

中條彩未

佐佐木希

石原聰美

今田美櫻

新垣結衣

橋本環奈

北川景子

進入前10，上榜女星分別為深田恭子、浜邊美波、廣瀬鈴、中條彩未、佐佐木希、石原聰美以及今田美櫻。當中排第七嘅中條彩未為英日混血兒，而且同樣係少女時裝雜誌專屬模特兒出身。進入前三名，結衣BB僅入三甲，排第二嘅係橋本環奈，至於今次奪冠嘅就係北川景子。

日本媒體《Model Press》亦曾於5月時做過類似票選，或者大家都可以比對一下兩個榜單，睇下邊個啱自己口味多啲啦。

資料來源：Ranking.goo