兩年前以「1:1比例還原香港島」作招徠嘅賽車遊戲《Test Drive Unlimited: Solar Crown》最近公開全新實機預告，展示更多遊戲玩法及場景，大家又認到幾多個地方呢？

從片中可見，遊戲忠實還原中環摩天輪、會展、力寶中心、中銀大廈等一系列著名地標，玩家能夠駕駛愛車漫遊東區走廊、告士打道等多條主要道路，並可以即時挑戰其他玩家上演一場街頭飛車大賽。另外，遊戲亦提供自定義改裝系統，讓玩家能夠更換汽車零件提升性能及改變外觀，以應付唔同賽事需求。

值得一提嘅係，遊戲疑似將跑馬地馬場改為正式賽道，所以除咗街頭飛車之外，玩家仲有得落Track同其他對手鍊車。預計2024年於PC、Xbox Series X/S及PS5多個平台推出，有興趣嘅朋友請密切留意。