早前《哥斯拉-1.0》於日本及美國上映都獲得非常高評價，重新掀起一股「日本哥斯拉」風潮。而近日亦有一隻擁有巨大破壞力嘅巨獸於泰國網上掘起，並揚言會「入侵及摧毀所有貓奴的心」，佢就係由泰國導演「Lerds Akkara-aree」創作嘅「喵斯拉 (Kazzilla)」！

話說主要拍開MV、廣告嘅泰國導演「Lerds Akkara-aree」，早前於個人專頁「Am-am Akkara-aree」上發佈咗一系列佢自己創作嘅「Kazzilla」圖片。「Kazzilla」無論個名定設計都明顯來自「哥斯拉」，不過本體就唔係蜥蜴或者恐龍，而係肥得黎又有肌肉、惡得黎又好可愛，仲有各種花色嘅「肥貓」，再配上肥大嘅尾巴以及哥斯拉嘅背鰭，成為集可愛、兇狠於一身嘅巨獸。

「Kazzilla」系列一經發佈，短短幾日內就成為泰國網上熱話，被分享近6,000次。而「Lerds Akkara-aree」亦把握機會，為「Kazzilla」開啟獨立專頁，並繼續發佈新圖。而憑佢將新專頁類別設為「遊戲/玩具」黎睇，或者佢都有意將「Kazzilla」商品化。唔知各位貓奴又有冇興趣入手呢？

資料來源：Kazzilla