由Vin Diesel主演嘅《Fast & Furious（狂野時速）》系列一集比一集「狂野」，由最初嘅街頭飛車，逐漸演變成大爆炸動作爽片，製作預算亦隨之而激增，其中最新一集《Fast X》拍攝成本更高達3.4億美元，然而票房卻只有7.14億美元，未能達到收支平衡。或因如此，最近就有消息指《Fast & Furious 11》將預算大減，並回到原來嘅寫實風格，同時亦係整個系列最後一部電影。

據荷里活資深記者Jeff Sneider爆料，《Fast & Furious 11》預算唔會超過2億，戲情將聚焦一場大型搶劫行動或賽車比賽，整體風格會更貼近首集《Fast & Furious》，同時亦係「唐老大」Dom Toretto最後一次冒險。除此之外，喺《Fast X》飾演大反派「Dante」嘅Jason Momoa可能唔會回歸，並由一位全新反派取而代之。