{ SKIP }
文:MenClub 魏文青  
POSTED ON 06 Feb 2024

雖然話打機並非年輕人嘅專利,但對於極考反應、講求手眼合一嘅FPS遊戲黎講,的確係以年輕玩家為主,如果係講FPS遊戲職業電競選手的話,更係去到廿中就已經算係「老將」。不過日本近日就出現一隊「真老將」電競隊,其成員平均年齡高達67歲,而且唔係老人家柴娃娃玩玩下,係真係有姿勢有實際仲有技術!

卻說日本秋田縣係全國「老齡化」最嚴重嘅地區,亦因此令該縣對外嘅形象一直都係「老」。而為咗將「老齡化」轉為一個正面形象,於是2021年9月時當地就成立日本第一隊長者電競隊「MATAGI SNIPERS」,當中嘅「MATAGI」(マタギ)其實指當地傳統「又鬼」,即阿伊努語中嘅「冬季獵人」。「MATAGI SNIPERS」主攻5 vs 5第一身射擊遊戲《Valorant》,所有正式隊員均為65歲或以上長者,60至64歲長者都可以參加,但就需要掛上「練習生」之名。但即便如此,到去年2月為止,佢哋依然招募到16名成員,而且即使計埋練習生,成隊嘅平均年齡都高達67歲,最高齡者更達75歲。

而且你唔好以為長者們只係玩玩下。「MATAGI SNIPERS」嘅口號係「令個孫都尊敬的存在」(孫にも一目置かれる存在),所以長者們對遊戲非常認真。除咗定期直播之外,仲會參加又或舉行比賽之外,官方X(Twitter)上亦不時發佈長者們嘅遊戲精華,從中可見長者們不單對遊戲機制相當熟悉,而且技術都真係唔錯。所以話年紀真係唔係障礙黎架!

資料來源:matagi-snps.com

想當年大家睇住橋本環奈憑著「奇蹟的一杖」成為「千年一遇美少女」而爆紅,估唔到話咁快佢就已經長大到要談婚論嫁嘅年紀。據日本雜誌報導,環奈BB已經接受拍拖三年嘅男友中川大志求婚,二人不但連家長都見埋而且已經 ...
hobby
【悲報】前排分手實為煙幕? 傳環奈BB將嫁中川大志
10 Jul 2025
由Ben Stiller主演嘅冒險喜劇《翻生侏羅館(Night at the Museum)》系列,距離第三集、亦即係最後一集已經有11年歷史。最近有消息指,呢個人氣系列正在籌備重啟,同樣以博物館為背景,但會講述一個全新故事。 ...
hobby
【影視】消息指《翻生侏羅館》正在籌備重啟 但Ben Stiller或不會回歸
10 Jul 2025