{ SKIP }
文:MenClub 艾力克  
POSTED ON 19 Feb 2024

荷里活名導Christopher Nolan從影20多年一直挑戰各類材題,無論懸疑片、科幻片、戰爭片,甚至人物傳記均有所涉獵。而佢最近仲表示希望執導一部恐怖電影,不過仍物色緊好嘅故事。

最近Christopher Nolan出席英國電影協會(British Film Institute)舉辦嘅座談會,被問到會否考慮拍攝恐怖電影時,Christopher Nolan就認為呢個類型相當有趣,自己亦樂意嘗試:「我認為恐怖片非常有趣,因為佢非常依賴電影拍攝手法,激發觀眾內心對某些事物嘅本能反應,所以某程度上,我好很樂意拍一部恐怖片,但一部好嘅恐怖片需要一個出色嘅idea,而呢種idea相當罕見,我暫時未搵到一個合適嘅故事題材。我認為從電影創作角度睇,恐怖片係一個非常有趣嘅類型,亦係少數能令片廠大量拍攝嘅類型,呢類電影通常充滿抽象、黑暗等荷里活通常唔太願意加入嘅元素,唯獨恐怖片可以允許呢啲元素存在。」

事實上,Christopher Nolan往過嘅作品就有唔少營造心理恐怖及緊張氣氛等情節,例如《蝙蝠俠—俠影之謎》Batman到碼頭討伐稻草人時就加入過恐怖元素,而《奧本海默》其中一幕講述Oppenheime發表原爆勝利宣言時就閃現過受難者嘅痛苦畫面。若然Christopher Nolan真係執導恐怖電影,你又會唔會非常期待?

資料來源:variety
Bella Ramsey呼籲HBO真人版《The Last of Us》嘅Haters,如果真係咁唔鍾意套劇,就唔使勉強睇第三季,原著遊戲仲喺度,大家可以返去再玩一次。
hobby
【影視】Bella Ramsey回應《最後生還者》第二季爭議:討厭的話不必看第三季,可以回去玩遊戲
29 Aug 2025
曾執導《哈利波特》首兩部電影嘅Chris Columbus表示,當佢睇到HBO重啟劇集版嘅片場照,發現新版海格造型幾乎同電影版一模一樣時,心裡不禁質疑:「咁樣重拍有咩意義?」 ... ... ... ...
hobby
【影視】《哈利波特》原導演驚訝新海格造型毫無變化:這樣重拍有什麼意義?
29 Aug 2025