日本朝日電視台綜藝節目《有吉クイズ》日前進行咗（又一次）AV問答比賽，並請來著名男優清水健、著名成人片商SOD旗下導演「きっしー」等為比賽出題，而大家熟悉嘅前AV女優三上悠亞就作為嘉賓。節目中就透露多個資深AV迷都未必知道嘅「冷知識」，例如節目中就問到，男優絕對唔會於女優出道作做某一個「動作」，你又估唔估到係咩？

當日比賽型式係由清水健等人出題，主持人「有吉弘行」、「藤田ニコル」、「シソンヌ長谷川忍」等人作答。其中一題就問到：有某個情侶間理所當然嘅動作，係男優絕對唔會於女優出道作中做嘅，萬一做咗就可能會令到片商非常麻煩，咁個動作係咩呢？。而答案竟然係「叫女優個名」。原來唔少AV女優於拍攝出道作之時，係連藝名都未有或者未定好，所以男優們會避免用名字稱呼對方，等片商有空間可以改名。而作為嘉賓嘅三上悠亞就表示，已經唔記得出道作時有冇被人叫過名，要返去睇返先知。

三上悠亞其中一部共演作品（SSNI-658）

而另一個問題就問到：當有多位人氣女優共演某一部作品，其封面拍攝需時會比正常長非常多，原因係咩呢？結果「有吉弘行」成功答出「因為要拍唔同女優企喺Centre（畫面正中）嘅版本」。節目中解釋，其實片商通常都決定好封面要用邊個女優企Centre位置，但為咗照顧女優們嘅感受，所以明知無用都會拍攝多個版本。

而作為嘉賓嘅三上悠亞表示都係第一次知道呢個安排，並分享自己遇過類似嘅事。佢話某次拍攝共演作品時，雖然事先被告知會成為Centre，但到拍攝封面時大家就不停換位，令佢好奇「我唔係Centre咩？」主持人有吉弘行再追問，「咁有冇試過有人話你會係Centre，出到黎唔係你呢？」三上悠亞就霸氣回答：「沒有！」令主持人都驚嘆佢真係超級巨星。

資料來源：Sanspo、NikkanSports