相信大家都睇過經典聖誕喜劇《寶貝智多星 （Home Alone）》，劇情講述一位小朋友於聖誕假期被獨留家中，點知遇上賊人入屋爆竊，最後憑藉冷靜及機智設下各種機關擊退賊人。最近呢棟大宅就以525萬美元掛牌出售，折合約4,100萬港元。

據了解，呢棟位於芝加哥北郊富人區Winnetka嘅紅磚大宅建於1921年，佔地超過9100平方呎，在2012年被現任業主以158.5萬美元購入，並喺2018年進行過全面翻修及擴建，保留電影場景同時加入更多豪華設施，總共有五間臥室、六間浴室、籃球場、健身室、私人電影院及三個車庫。