曾幾何時，遊戲改編電影或劇集幾乎等同於「爛」，但隨住近年《The Super Mario Bros. Movie》、《The Last of Us》、《Fallout》取得成功，大家先有返少少信心，遊戲商亦更樂意將旗下作品影視化。而最近宮崎英高接受訪問時，就透露對《Elden Ring》改編成電影持開放態度，但前提係要搵到非常強大嘅合作夥伴。

FromSoftware社長宮崎英高日接受外媒《The Guardian》訪問，被問到《Elden Ring》有冇可能有另一種詮釋或改編時，宮崎英高表示：「我諗唔到有咩理由拒絕有關《Elden Ring》嘅翻拍或改編計劃，例如電影。但我認為我自己或FromSoftware並沒有相關知識或能力製作一部不同媒介嘅作品。如果真係要咁做，我哋就需要一個強大嘅合作夥伴，而且為求可以達到我哋想要嘅目標，彼此必須要建立足夠嘅信任及共識，但我哋確實對此有興趣。」

值得一提嘅係，宮崎英高篇訪問曝光後，負責撰寫《Elden Ring》世界觀及背景故事嘅George R.R. Martin就喺個人網誌表示：「Oh，最近你哋可能喺網絡上聽到有關《Elden Ring》電影或影集嘅傳聞...我沒咩可以講的，一個字都冇，我咩都唔知。」究竟Martin係真唔知，定抑是暗示緊其實有關計劃已醞釀當中呢？