《龍珠Z》動畫自1989年4月於日本開播，今年正好迎來35週年。而為咗紀念呢套唔少動畫迷嘅「啟蒙之作」，異度空間工作室除咗即將推出一系列週邊產品之外，更會推出全新製作、香港製造嘅《龍珠Z》閃卡！

今次推出嘅週邊包括滑鼠墊、雨傘、T恤、充電寶、環保袋等等，每款都印有不同的《龍珠Z》角色圖案或字樣印花。但更為搶眼嘅相信就係一套48張全新限量版閃卡，當中包括閃卡、暗閃及閃中閃系列，手感以及效果都復刻自以往推出嘅《龍珠》閃卡，而且全數為香港製造。

異度負責人興奮表示：「其實每隔幾年，都會有人嘗試出新一套卡，雖然以往的確有這類閃卡是香港製造，但因為後來生產回流日本，當中的技術在香港早已失傳，後來的商定怎麼都沒法完美地復刻以前的味道。今次我們是多年來第一次百份百完美復刻過去那種『薄閃』、暗閃，閃中閃等等，我覺得這些卡和周邊同樣吸引，甚至卡比周邊產品更吸引。」

另一邊廂，異度空間嘅旺角朗豪坊實體店亦會改成《龍珠》主題店，新增印有角色圖案及立牌的打卡熱點之外，亦會展出異度主理人私人收藏的鳥山明真跡簽名。另外設有懷舊遊戲機供參觀者用喜愛的龍珠Z角色對戰，以及喚起不少人童年回憶的龍珠卡抽卡機，童年時各種「偷格、照田雞」等等玩法無任歡迎。

如想儲齊整套龍珠珍藏卡，推廣期間有多種不同獲取各種限定閃卡方法：

1. 香港動漫電玩節2024

- 於2024年香港電玩動漫節期間，５款限定款於場內購買《龍珠Z》周邊產品滿500元，即送當天限定款龍珠閃卡乙張；

2. 異度門市

- 7月至9月期間凡購買《龍珠Z》周邊產品滿300元，即送期間限定龍珠閃卡乙張（每3-4天更換一款，將於異度社交媒體適時公佈）

- 部份閃中閃於指定期間購買龍珠產品滿500元即可獲得

- 於異度門市惠顧任何龍珠產品，以換購價$2即可於抽卡機隨機抽最龍珠Z珍藏卡乙張；

3. 產品限定

- 預購珍藏版八達通即附送特定閃中閃乙張；

- 預購龍珠特別版月餅送指定閃卡兩張。

全部數量有限，絕對要把握機會，欲購從速！詳情可於異度網站查閱。