繼去年「芫茜Pizza」後，最近日本Pizza Hut再一次震驚意大利人，宣布推出「香濃高湯肉牛蒡天婦羅烏冬Pizza」，將福岡名物牛蒡天婦羅烏冬鋪滿在Pizza上，衝擊食客味蕾！

據官方介紹，呢款Pizza融合了多款日式食材，其中包括甜辣醬醃製嘅慢燉牛肉、牛蒡天婦羅，並配上裙帶菜及芝士增添風味，而烏冬更由100%國內小麥製成，既滑順又彈牙，搭配由鰹魚片、沙丁魚乾、海帶及香菇製成嘅特殊醬汁，重現出「福岡烏冬」獨特鮮甜味。

「香濃高湯肉牛蒡天婦羅烏冬Pizza」將於8月10日至9月15日在福岡縣及佐賀縣27家店舖限定發售，售價為1980日元（約港幣$105），最近會去福岡嘅朋友不妨品嚐一下。

資料來源：prtimes.jp