日本著名漫畫週刊《少年Jump》上曾經連載過N部著名漫畫作品，而睇個書名你都知佢係針對男性市場，入面嘅故事自然大多以男性角色為主角。但所謂「牡丹雖然都要綠葉扶持」，《少年Jump》嘅作品中亦出現過無數可愛、性感、有魅力嘅女角，但究竟邊個先係《少年Jump》史上最高女角呢？日本網站Ranking Goo早前就做咗個票選，結果都可算係出人意表？

第十名：娜美

第九名：鮎川圓

第七名：美音

第六名：禰豆子

既然票選係針對《少年Jump》讀者，好明顯呢份名單某程度上係反映緊男讀者們嘅審美眼光，所以上榜嘅大多數都係相靚身材正兼性格好。例如「大過頭」嘅《One Piece》娜美就排第十、松本泉嘅《橙路》中嘅女角鮎川圓則排第九。另外大熱作品《鬼滅之刃》亦分別有「蟲柱」胡蝶忍，以及禰豆子分列第8及第6，中間夾住於《ONE PIECE FILM RED》登場嘅新角色「美音（ウタ）」。

再往上數，第五名係來自《驅魔少年》李利鳴（リナリー・リー），第四名就係上世紀八十尾開始連載嘅《幻法小魔星》中嘅河合伊代菜。進入三甲，第三名係性格同身材都被高度表揚、來自《Naruto》嘅日向雛田，至於第二名則係同樣外在美內在美兼備，來自《食戟之靈》嘅田所惠。

第五名：李利鳴

第四名：河合伊代菜

第三名：日向雛田

第二名：田所惠

第一名：春野櫻

至於冠軍人馬，就係《Naruto》嘅春野櫻！呢個結果可以話頗為出人意表，事關小櫻雖然係《Naruto》第一女主角，而且由於佢獨立有性格，而於海外有高人氣（特別係相比於雛田）。但唔少日本Fans都因為佢早期迷戀佐助、後來將鳴門當成工具人、實力又比唔上兩位男主角（當然，係佢哋勁得太過份）而對其非常痛恨，所以能夠喺針對日本人嘅票選中獲得第一都可謂意料之外。唔知各位又對呢份榜單有咩意見呢？

資料來源：Ranking Goo