脹卜卜得嚟又保留IKEA環保袋經典配色及形狀，啱晒一眾長期睡眠不足嘅打工仔！

最近新加坡IKEA聯同當地創意公司The Secret Little Agency合作，以IKEA經典環保袋「FRAKTA」成靈感，設計出全新枕頭Tote Bag「RESTEN」。保留經典藍色外觀之餘，採用滑身布料並加入柔軟填充品，令個袋變到好似枕頭咁軟熟，而肩帶部份亦由尼龍改為織布，並印上「LEAVE THE REST TO IKEA」字樣，可當作一般Tote Bag使用，又可以化身成枕頭畀大家搭車時挨住/扒住瞓教。

The Secret Little Agency首席創意官Nicholas Ye及Mavis Neo表示，由於新加坡呢個繁忙嘅國度成日要OT，人們經常要係非常規嘅地方尋求休息片刻，所以佢哋就創作出呢個包包，希望為忙碌嘅新加坡人帶嚟一絲慰藉。

目前呢款Tote Bag只能夠參加新加坡IKEA限時活動獲得，希望日後可以量產同賣去香港啦，應該唔少打工仔都好需要呢個袋。