由Ubisoft開發嘅「刺客教條」新作《刺客教條：暗影者》（Assassin's Creed Shadows）原定今年11月15日正式推出，但官方昨晚突然宣布遊戲將延期至2025年2月14日發售，皆因團隊需要更多時間改善及提升遊戲體驗，已預購嘅玩家將全面退款。

Ubisoft在公告指出，《刺客教條：暗影者》對佢哋嚟講係一個夢想項目，將刺客系列帶到封建時代日本，並開發了新嘅parkour及潛行機制，不過製作團隊意識到佢哋需要更多時間完善及提升遊戲體驗，因此決定將遊戲推遲至2025年2月14日發售，並同步登陸Steam平台。早前已預購嘅玩家將獲得退款，並在未來會免費獲得首個DLC。官方強調，雖然延期會令期待遊戲已久嘅玩家感到失望，但佢哋深信今次決定係對遊戲有益。

《刺客教條：暗影者》因為以黑人角色「彌助」作為主角，並強調對方為武士階級，自遊戲公開宣傳後便引起廣泛爭議，被批評故事缺有違歷史事實並不尊重日本文化，甚至有玩家發起網上聯署，要求Ubisoft取消發售遊戲，截止目前已獲得超過10萬人支持。

順帶一提，明年初將會有《真‧三國無雙 起源》(1月17日)、《人中之龍8 外傳夏威夷海盜》(2月28日)、《Monster Hunter Wilds》(2月28日)等大作，相信會為《刺客教條：暗影者》帶嚟唔少壓力。

Assassin's Creed Shadows will now release February 14, 2025. pic.twitter.com/J2ah7kkytW

— Assassin's Creed (@assassinscreed) September 25, 2024