唔少男人細個時都鍾意玩玩具車仔，而有精美造型加上超多車款嘅Tomica、以及憑動漫推動瘋魔一時嘅雙星（田宮）四驅車，應該係當年小男生們夢寐以求嘅兩大品牌（第三個可能係Hotwheels，不過阿媽一定話太貴唔買）。而近日呢兩個品牌就宣佈展開聯乘，推出「四驅車造型嘅Tomica車仔」，相信會吸引到唔少人入手啦。

12月發售嘅「旋風麥林」及「暴風超音」

其實今次聯乘於本年初就已經開始推出，目前推出共九款車仔，涵蓋《四驅小子》及《四驅兄弟》兩部動畫。其中來自《四驅小子》嘅有「U2軍團」成員使用嘅「Avante Jr」及「Avante Jr Black Special」；而來自《四驅兄弟》嘅，就有星馬豪及星馬烈「麥林號」、「勝利麥林」以及「超音號」、「先驅超音」及。另外仲有7月時仲推出過Takaratomy網店專售，反派黑澤太使用嘅「黑將軍」。而黎緊12月就會發售「旋風麥林」及「暴風超音」最後兩款。所有車款嘅售價都係1,430Yen，即約HKD$73左右。

已發售車款

明年推出嘅遙控車系列

而兩個品牌嘅聯乘亦唔停留於動畫車款之中，例如明年就會推出雙星於80年代推出嘅著名越野遙控車「Buggy」系列嘅車仔，不過實際價錢及發售日都未定。

資料來源：takaratomy