繼上周二十世紀影業總裁確定《異形：羅穆盧斯（Alien: Romulus）》將推出續集後，有份擔任監製嘅Ridley Scott日前亦表示正在製作一部全新異形電影，讓影迷期待萬分。

最近Ridley Scott接受《THR》專訪時透露，由於《羅穆盧斯》大獲成功，佢同二十世紀影業正在開發一部全新《異形》電影，但就未有透露更多細節，所以都唔清楚Ridley Scott所指嘅係《羅穆盧斯》續集，定還是擱置咗好多年嘅異形前傳系列。

由Ridley Scott於1979年創立嘅《異形》系列，可謂開創了太空驚悚電影先河，並逐漸發展成一個龐大IP，深受科幻影迷推崇。經過多任導演接手後，Ridley Scott於2012年回歸推出前傳《普羅米修斯（Prometheus）》以及後來嘅《異形：聖約（Alien: Covenant）》，進一步探討異形起源及與人類嘅關係，然而兩部電影觀眾評價褒貶不一，而且票房又未如理想，所以遲遲都未有第三集。唔知Ridley Scott會唔會趁住異形最近hit返少少呢個機會，開拍講咗好多年嘅前傳第三集《Alien: Awakening（異形：覺醒）》呢？