主演Marvel 《Spider-Man》系列嘅Tom Holland及Zendaya於戲裏戲外都係恩愛情侶，可以話係羨煞旁人。不過近日有人從即將開拍嘅《Spider-Man 4》嘅拍攝代號中，推測Tony Parker另一位女友Gwen Stacy將有望出場，或者代表Tony Parker（Tom Holland飾）及MJ（Zendaya飾）此情不再？

Bryce Dallas Howard曾於Tobey Maguire版本嘅《Spider-Man 3》飾演Gwen Stacy

Andrew Garfield版嘅《The Amazing Spider-Man》則由Emma Stone飾演Gwen Stacy

動畫《Spider-Verse》系列嘅Gwen Stacy，由Hailee Steinfeld聲演

據《The Cosmic Circus》日前報導，《Spider-Man 4》嘅拍攝代號係「Blue Oasis」，可以從字面解作「藍色綠州」，亦可以指一種介乎藍綠之間嘅特別藍色。《The Cosmic Circus》進一步指出，Blue Oasis呢隻顏色，正正就係Jeph Loeb創作、Tim Sale作畫嘅2002年漫畫《Spider-Man: Blue》嘅主題顏色，而《Spider-Man: Blue》嘅故事，大致上就係Tony Parker回憶起與Gwen Stacy如何相識以至墜入愛河嘅經過。換言之「Blue Oasis」呢個代號，可能代表《Spider-Man 4》借用咗《Spider-Man: Blue》嘅某啲故事，亦即Gwen Stacy好有可能會登場。

Madelyn Cline

無獨有偶嘅係，近來亦有傳聞指出美國演員Madelyn Cline將會加入《Spider-Man 4》。坊間一開始認為佢會出演女反英雄「Black Cat」，但考慮到Madelyn Cline經常以金髮造型亮相，你話佢飾演Gwen Stacy似乎亦講得通。另一邊廂，雖然早前確認Zendaya將會出演《Spider-Man 4》，但考慮到《No Way Home》後佢忘記咗Tony Parker，被Gwen Stacy乘虛而入似乎亦好合理。

順帶一提，從漫畫嘅角度，其實Gwen Stacy先係Tony Parker嘅首任女友，但後來佢被Green Goblin（綠惡魔）殺死——亦即Andrew Garfield版《Spider-Man》嘅劇情——Tony Parker先同Mary-Jane Watson（MJ）開始新關係。

資料來源：The Cosmic Circus、ComicBookMovie