{ SKIP }
文:MenClub 艾力克  
POSTED ON 20 Nov 2024

改編自夢工場賣座動畫《馴龍記(How to Train Your Dragon)》嘅真人版電影,今日正式公開首部預告,重現「冇牙仔」與「思噎仔」首次相遇一幕。

由夢工場動畫(DreamWorks Animation)製作製作嘅《馴龍記》系列,故事設定在虛構嘅維京世界,島上嘅居民常常遭到龍群侵襲,主角思噎仔(Hiccup)起初打算跟隨部落傳統成為一名「屠龍高手」,但某天晚上意外捕捉到一隻傳說中嘅龍「夜瘋魔」後,就逐漸開始建立起同龍嘅交流,仲幫佢改左個可愛嘅名字冇牙仔(Toothless),同時意識到殺龍並無法解決問題,應該以馴服取而代之。

《馴龍記》第一集在2010年上映時廣受好評,更入圍第83屆奧斯卡「最佳動畫長片」及「最佳原創音樂」兩項大獎,其後在2014年及2019年推出嘅兩部續集亦非常賣座,三部曲全球票房合共超過16.4億美元。

而今次推出嘅真人版,同時由動畫三部曲導演Dean DeBloi執導兼編劇,並搵嚟曾出演《接駁靈聲(The Black Phone)》嘅17歲美國演員Mason Thames飾演思噎仔,HBO《最後生還者》Nico Parker飾演亞翠,而在動畫版為思噎仔父親高大威煞刀配音嘅Gerard Butler今次更親自出演該角色,電影預計2025年6月13日上映。

Gerard Butler

Bella Ramsey呼籲HBO真人版《The Last of Us》嘅Haters,如果真係咁唔鍾意套劇,就唔使勉強睇第三季,原著遊戲仲喺度,大家可以返去再玩一次。
hobby
【影視】Bella Ramsey回應《最後生還者》第二季爭議:討厭的話不必看第三季,可以回去玩遊戲
29 Aug 2025
曾執導《哈利波特》首兩部電影嘅Chris Columbus表示,當佢睇到HBO重啟劇集版嘅片場照,發現新版海格造型幾乎同電影版一模一樣時,心裡不禁質疑:「咁樣重拍有咩意義?」 ... ... ... ...
hobby
【影視】《哈利波特》原導演驚訝新海格造型毫無變化:這樣重拍有什麼意義?
29 Aug 2025