隨住Netflix人氣劇集《魷魚遊戲》第2季將於下月播出，官方今日公開正式預告，除咗可見到熟悉嘅「一二三木頭人」回歸，今次更加入全新遊戲環節，唔知由李政宰飾演嘅成奇勳能否終結遊戲呢？

三年前，從魷魚遊戲勝出嘅成奇勳，本來想遠走高飛，卻在搭飛機赴美前臨陣反悔，決心展開全新計畫。從預告可見，成奇勳再次回到魷魚遊戲，不過今次並唔係為咗獎金，而係希望終結呢場殘酷遊戲，力勸其他選手共同反抗幕背主腦。可是，一心想奪得獎金還債嘅參賽者們似乎唔多聽勸，在「一二三木頭人」環節期間，即使成奇勳奮力勸止「別動」，其他選手亦無動於衷，由T.O.P扮演嘅反派玩家甚至特登推倒其他選手，讓現場陷入混亂。另外，從片中亦可以見到全新遊戲「旋轉木馬」。

除咗李政宰、李炳憲、魏嘏雋和孔劉等人回歸演出，今集更加入任時完、姜河那、朴珪瑛、李陣郁、朴成焄、梁東根、康愛心、李大衛、崔勝鉉(T.O.P)、盧載沅、曹柔理、元志安等新卡司，新一季將於12月26日在Netflix正式播出，總共有6集。