經過三年等待，Netflix人氣劇集《魷魚遊戲》第二季終於在昨日正式上架。如果大家已經好快手煲晒咁多集，應該都會有種意猶未盡嘅感覺。好在官方隨即宣布第三季將於2025年播出，希望上半年已經有得睇啦！

《魷魚遊戲》第二季主要講述主角成奇勳喺三年前勝出遊戲後，一直對遊戲背後組織耿耿於懷，於是決定再以「456號玩家」身份回歸遊戲，誓要終結組織惡行。隨住第二季正式播出，Netflix今日透過官方網誌Tudum宣布，《魷魚遊戲》第三季兼最後一季將於明年播出，屆時將揭曉最終大結局。

據了解，由於《魷魚遊戲》第二及第三季係同時拍攝，所以嚴格嚟黎兩季合埋先係一個完整故仔，所以解釋到點解第二季會令人睇到有種到喉唔到肺嘅感覺，而且咁快就可以推出下一季。