Netflix人氣劇集《魷魚遊戲》第2季日前正式上架，韓國演員朴成焄因在劇中飾演跨性別人士「趙賢珠」而備受關注。然而，佢尋日突然喺IG限時動態貼出一張AV版《魷魚遊戲》封面圖，引起網民熱量討論。

朴成焄昨日在IG限時動態突然貼出一張由美園和花主演嘅AV版《魷魚遊戲》封面圖（DASS-534），並且冇打任何格仔，令網民大為震驚。雖然佢好快就刪咗篇貼文，但仍然被手快嘅網民截圖並於討論區上瘋傳。

對此，朴成焄經理人公司BH娛樂隨即作出回應並致歉：「朴成焄在查看大量IG私訊(DM)時，唔小心將內容上傳到限時動態。而佢本人亦對此事感到非常驚訝，並對在當前敏感時期(空難)發生呢種失誤感到非常抱歉。承諾會更加謹慎，保證唔會再發生類似事件。」

不過，有網民就質疑如果要將私訊內容轉發成限時動態，唔係撳一個掣就做到，因此「唔小心撳錯」嘅說法缺乏可信度。但都有人認為朴成焄唔會拎呢啲嘢嚟開玩笑，確實係操作失誤所致。