{ SKIP }
文:MenClub 艾力克  
POSTED ON 10 Jan 2025

John Wick宇宙持續擴張!繼前傳劇集《The Continental》及外傳電影《Ballerina》後,由甄子丹飾演嘅盲人殺手「Caine」亦有望推出外傳電影,並由佢本人親自執導。另一方面,甄子丹亦證實傳咗好多年嘅《Sleeping Dogs》電影版已胎死腹中。

去年甄子丹在《John Wick 4》所飾演嘅盲人殺手「Caine」大受歡迎,獅門影業隨即宣布為其推出一部外傳電影,並預計今年在香港正式開拍。最近甄子丹宣傳新作《誤判》接受外媒《Collider》訪問時就透露,佢唔單只會回歸出演Caine,更有可能會親自執導:「我認為Fans同片商都希望呢件事能夠成真,我唔可以透露更多,但我哋確實密切商討中,大家拭目以待,睇下會有咩事發生吧。但與此同時,我都感受到責任同壓力,我唔想毀咗呢個系列,我會盡我所能,為呢個系列帶一嚟啲新意,唔想令Fans失望。」

除此之外,甄子丹亦透露自己對故事已有初步想法,並期望Chad Stahelski(John Wick系列導演)能提供協助及指導:「我腦海入面有一啲想法,係關於故事應該如何展開,但我唔想透露太多,因為我唔知道自己有冇權去透露。不過佢哋(獅門影業)非常投入,並好高興我參與呢個項目。Chad Stahelski最好就能夠在場啦,我想確保呢個項目非常有趣,我嘅目標係拍出一部唔會令Fans同一般觀眾失望嘅作品。」

另一方面,有「港版GTA」之稱嘅開放世界動作遊戲《Sleeping Dogs》,早喺2017年宣布會改編成真人版電影,並鎖定由甄子丹主演,但一直只聞樓梯響。直到2021年甄子丹宣傳《怒火》時先輕輕提過:「我目前同製片人Neil Moritz、Toby Ascher以及幾個平台傾緊合作,我相信命運,如果能夠成事嘅話,應該會喺2023年上半年開拍。」如今2025年都過咗一個禮拜,事實證明《Sleeping Dogs》嘅命運就係「未開始已經結束」。

對此,甄子丹日前向外媒《Polygon》證實電影已取消製作:「我花咗好多時間,並同一班製片人做咗好多工作,甚至自掏腰包投資咗部份金錢,用於購買劇本及部份版權。我等咗好幾年,我真係好想拍呢部電影,我腦海入面有好多諗法,但好遺憾...你都知荷里活係點運作㗎啦,係咪?」雖然對計劃取消感到遺憾,但甄子丹表示佢已準備好move on到更好嘅事情。

資料來源:ColliderPolygon
經過多年傳聞與期待,任天堂終於在昨晚正式公布Nintendo Switch 2,確定將於2025年內推出。而今年4月2日將會舉行Switch 2專屬發布會,揭曉新機更多細節。大家希望部機賣幾多錢呢? iframe width="560" height= ...
hobby
【終於】任天堂正式公布Switch 2! 螢幕更大、磁吸式手掣、兼容前代遊戲
17 Jan 2025
手機版Pokemon卡Game《Pokemon TCG Pocket》自去年10月底推出後就大受歡迎,除咗推出個半月就已經創下6000萬次下載、成為去年度TGA嘅年度手機Game之外,更為Pokemon公司帶來每日300萬美金收入。但大家又唔好以為Poke ...
hobby
【電玩】取景自《火紅/葉綠》 外國玩家發現PTGC Pocket卡牌設計有巧思
17 Jan 2025