經過多年傳聞與期待，任天堂終於在昨晚正式公布Nintendo Switch 2，確定將於2025年內推出。而今年4月2日將會舉行Switch 2專屬發布會，揭曉新機更多細節。大家希望部機賣幾多錢呢？

從官方預告片可見，Switch 2外觀延續上代設計風格，不過螢幕就明顯大咗成個碼，而機背嘅立架可折疊角度變得更大，機身上方更加入一個全新Type-C插口。至於Joy-Con手掣連接方法，則由上代嘅滑軌卡扣式改為直接「啪」入機身嘅磁吸式，LS及RS按鍵尺寸變得更大，並在右邊Joy-Con Home鍵亦加入一個全新神秘按鍵。另外，任天堂亦明確表示Switch 2能夠向下兼容大部份前代遊戲，無論係數字版定實體卡帶都能夠遊玩。

除此之外，片中更展示了一款《Mario Kart》新作，可以見到起跑線亦有24個停車格，而且片尾有近20個角色同時準備衝過終點線，好有可能係暗示緊下一代《Mario Kart》能支援24名玩家同場飛車，比目前《Mario Kart 8》嘅12人多出一倍。

任天堂將於4月2日舉行「Nintendo Switch 2 Direct」發布會公開新機更多細節，相信屆時亦會揭曉首批遊戲陣容，期請大家拭目以待！