{ SKIP }
文:MenClub 魏文青  
POSTED ON 13 Feb 2025

Warner Bros. 早前宣佈開拍《哈利波特》劇集,其中三位主角嘅人選(及造型膚色)固然係大家最關注嘅地方,但一眾配角亦同樣不能忽視。近日就有傳去屆奧斯卡最佳男主角Cillian Murphy有望加入,不過竟然係出演只出現於第一季嘅「奎若教授」,究竟係大材小用,定係另有玄機呢?

今次消息同樣來自荷里活著名記者Daniel Ritchman,據佢報導,Cillian Murphy有望出演「奎若教授」一角。如果你熟悉原著或原版電影,你應該會記得「奎若教授」係哈利加入霍格華茲第一年時嘅「黑魔法防禦課」導師,為人內向、緊張怕事同時仲有口吃狀況,但於第一本小說《哈利波特與神秘的魔法石》有重要地位。

而搵Cillian Murphy出演呢個角色嘅問題,正正就出於呢個「重要地位」之上(劇透警告),事關故事最後揭發大魔王佛地魔當時係寄生於奎若教授嘅後腦上,並操控後者試圖殺死哈利,最終被哈利反殺。換言之呢個角色只在第一本書(即係劇集第一季)出現,於整個系列而言其實唔太起眼,搵Cillian Murphy黎做似乎有啲大材小用?

電影版奎若教授由Ian Hart飾演

但有趣嘅係,由於演技出色,加上本身係愛爾蘭人,與來自英國嘅《哈利波特》有地緣親密性,所以自去年起就一直有傳Cillian Murphy會參演《哈》劇集,不過當時就係傳佢將出演大魔王佛地魔本人。又或者腦洞再開大啲:Cillian Murphy之所以出演奎若教授,會唔會係劇集打算作個理由出黎令奎若教授同佛地魔生得好似樣甚至一模一樣?

當然,Cillian Murphy是否出演《哈》劇集一事目尚係未知之數,上述一切亦只係傳聞及揣測,一切都要等到官方公佈先可以確認啦。

資料來源:Daniel Ritchman

迪士尼高層開始意識到,Marvel同Lucasfilm(《星球大戰》、《奪寶奇兵》系列)等傳統IP已經難以吸引13至28歲嘅Z世代男性,目前正督促創意團隊開發全新原創IP,專攻呢班年輕觀眾。 據外媒《Variety》報導, ...
hobby
【影視】Marvel與Lucasfilm式微 迪士尼急切開發新IP吸引年輕男性觀眾
24 Aug 2025
憑藉《怪奇物語》走紅嘅Millie Bobby Brown昨晚喺Instagram宣布同「星二代」老公Jake Bongiovi領養咗一名小女孩,正式成為媽媽,展開人生新階段! blockquote class="instagram-media" data-instgrm-permalink= ...
hobby
【影視】《怪奇物語》Millie Bobby Brown宣布成為媽媽!與丈夫領養一名女孩
22 Aug 2025