{ SKIP }
文:MenClub 魏文青  
POSTED ON 10 Apr 2025

HBO前年推出改編自同名遊戲嘅真人版劇集《The Last of Us》大受好評,隨即宣佈會以遊戲第二集劇情開拍今個星期日開播嘅第二季。但正當大家期待劇集會如何處理充滿「喬爾夫球」等爭議性劇情之時,HBO就率先宣佈會續訂第三季,似乎係對系列充滿信心?

其實早於《The Last of Us》第二季開始製作之時,主創Craig Mazin 和 Neil Druckmann(後者同時係遊戲主創)就已經多次放口風話會有第三甚至第四季,但同時佢哋亦指出劇集點拍都唔會超出遊戲劇情,之所以要用多於一季嘅時間,純粹係因為遊戲第二集嘅故事太豐富,以致改編成劇集時「每集都變到非常龐大」。Craig Mazin更曾指出如果要一次過拍哂遊戲第二集嘅故事,可能會變成「等四年先拍好,然後一季有17集」,所以最終就將佢哋分成多季製作及播放。

新要角「Abby」由Kaitlyn Dever飾演。相信唔少人都會認為比起遊戲內更順眼。

事實上於HBO發出嘅公告中,大致上亦係上面呢個說法。製作人、監製、編劇及導演 Craig Mazin 指:「我們製作第二季時,目標是創造出讓我們引以為傲的作品。最終結果甚至超出了我們最遠大的目標,這有賴於我們與 HBO 合作無間,以及我們一班優秀的演員和工作人員的完美表現。我們期待透過第三季延續《最後生還者》的故事!」。

資料來源:HBO

除咗舞蹈、音樂、建築、電影等「八大藝術」之外,近年一直有人認為「電子遊戲」有望成為第九大藝術(另一說法係漫畫),而近日大熱嘅《光與影:33號遠征隊》就可能係近年最接近「藝術」水平嘅遊戲之一。其中一個好例 ...
hobby
【電玩】Billboard兩個第一!《33號遠征隊》原聲大碟超受歡迎
08 May 2025
自從Microsoft喺一年多前逐漸放棄Xbox獨佔策略,轉向多平台發行遊戲後,如今似乎已在PlayStation平台取得顯注成效。最近Sony公布嘅PS5遊戲月度下載排行榜顯示,歐洲同北美地區嘅頭三名全部都係Xbox出品嘅遊戲,而且 ...
hobby
【電玩】Xbox遊戲在PlayStation平台大受歡迎!包辦PS5暢銷排行榜前三名
08 May 2025