由龍幸伸創作嘅《膽大黨》（DAN DA DAN）動畫，憑藉獨特嘅劇情設定及高水準製作，去年播出後火速爆紅，甚至成為唔少人心中嘅年度之作。經過幾個月嘅等待，官方日前終於公開正式PV，讓Fans們率先一睹「厄卡倫 vs 邪視」嘅精彩對戰！

《膽大黨》第二季繼續由Science SARU製作，劇情預計會接上第一季講到一半嘅「詛咒之屋篇」，講述厄卡倫、小桃同圓城寺仁一行人處理寺仁家中異靈事件嘅故事。之後會進入全新篇章「邪視篇」，厄卡倫將要對上今季最強嘅boss「邪視」。希望今次唔會似第一季咁，完結得太過突然啦。