{ SKIP }
文:MenClub 艾力克  
POSTED ON 01 Jun 2025

由Netflix製作、尾田榮一郎親自監督嘅真人版《ONE PIECE》第二季,終於正式公開船醫「喬巴」(另譯:索柏)嘅完整造型,唔知大家覺得還原度如何呢?

Netflix日前於年度盛事「Tudum 2025」上,率先揭曉真人版《ONE PIECE》第二季要角「索柏」嘅全身造型,一如觀眾所料,係採用CG動畫形式呈現,不過暫時未有展現獸人形態嘅模樣。角色由Mikaela Hoover負責配音及擔任動作捕捉。

隨住索柏正式亮相,尾田榮一郎亦透過聲明表示:「第二季嘅關鍵,當然係我哋嗰隻識講嘢『動物』。經過團隊無數次試驗及修改後,終於到咗揭開佢神秘面紗嘅大日子!從佢嘅外形到毛髮,再到表情及聲音,甚至燈光與物理效果,全部都係一個世界級團隊通力合作嘅成果,將東尼東尼·索柏帶到現實。佢已經準備好同全世界見面喇!」

真人版《ONE PIECE》第二季劇情將涵蓋洛古鎮(海賊王羅傑出生及處死之地)、雙子岬(偉大的航道入口)、威士忌山峰、小花園(首次遇見巨人多利及布洛基)以及索柏家鄉圓鼓屋頂島多個場景。講述路飛一行人正式進入偉大航道,招募索柏並拯救雪花石膏王國,期間路飛將會對上時任「王下七武海」沙·鱷魚以及佢所領導嘅犯罪團夥「巴洛克公作社」,而魯賓亦會喺中段登場,預計2026年播出。

Pokmon卡牌手機遊戲《Pokmon TCG Pocket》最近推出全新卡包「天與海的指引」,但其中一張卡牌「鳳王ex」因為涉嫌抄襲中國繪師嘅同人作品,引起玩家們熱烈討論。官方隨即為對此公開致歉,承認在製作過程中有所疏忽, ...
hobby
【電玩】《Pokémon TCG Pocket》卡牌「鳳王」涉嫌抄襲中國繪師 官方公開致歉:誤將參考資料當正式文件
31 Jul 2025
最近美國時裝品牌American Eagle邀請到Sydney Sweeney拍攝新廣告,引起強烈迴響,更一度刺激公司股價急升12%。但與此同時,廣告宣傳口號因為玩食字而惹來爭議,被批評宣揚白人至上主義。 American Eagle ...
hobby
【影視】Sydney Sweeney時裝廣告玩食字 被批宣揚白人至上主義
30 Jul 2025