Sony互動娛樂（SIE）今日在State of Play發布會上，公開PlayStation首款官方無線格鬥搖桿「Project Defiant」，採用極低延遲嘅PlayStation Link技術連接，並支援PS5及PC雙平台，預計2026年正式發售。各位格鬥遊戲迷以後又多一個選擇。

據官方介紹，Project Defiant採用經典8鍵搭配搖桿布局，並用上同PS5風格一致嘅黑白配色，造型時尚又耐用，符合人體工學，喺激烈格鬥時都能夠保持穩定及舒適。除此之外，搖桿更採用免工具快拆設計，方便玩家隨意更換方形、圓形、八角形等三種擋板，而且所有按鍵都係用機械軸，並配備一個類似DualSense嘅觸控板。

Project Defiant預計2026年推出，官方表示會在未來幾個月公布更多細節，例如售價及具體發售日期，有興趣嘅朋友請密切留意。