CAPCOM日前在Summer Game Fest活動上，正式公開《生化危機》系列最新作《生化危機9 安魂曲（Resident Evil Requiem）》，玩家將會扮演全新女主角重返浣熊市（Raccoon City），預計2026年2月27日登陸PC、PC5、Xbox Series X|S多個平台。

從預告可見，今集故事將會圍繞一名FBI女探員Grace Ashcroft展開。作為FBI嘅優秀技術分析員，Grace被上司派去位於浣熊市嘅連塢飯店（Remwood Hotel），調查一宗導致多人死亡嘅神秘疾病，而呢間飯店正正就係佢母親Alyssa Ashcroft八年前去世嘅地方。熟悉嘅玩家可能會記得，Alyssa Ashcroft係2003年外傳遊戲《生化危機 逃出生天》入面個女記者，換言之，Grace係Alyssa個女！其後就係一連串生化危機風格嘅恐怖懸疑畫面，仲可以見到被炸出一個大坑、滿目瘡痍嘅浣熊市，以及經典警察大樓（R.P.D）。

先前有傳《生化危機9》玩法將迎來重大改革，但從預告暫時睇唔出有咩特別唔同，甚至連遊戲係用第一人稱定第三人稱都唔太清楚。詳情有待官方後續公布，大家不妨拭目以待！

《生化危機 逃出生天》女記者Alyssa Ashcroft