在昨晚舉行嘅「Pokémon Presents」發布會中，官方正式宣布Pokémon首座常設主題樂園「PokéPark KANTO」將於2026年春季正式開幕，位於東京讀賣樂園嘅一部分區域，門票預計在今年秋季起陸續開賣。

「PokéPark KANTO」佔地約2.6公頃，命名靈感源自1996年首款Pokémon遊戲《寵物小精靈 紅／綠》嘅故事舞台「關都地區（Kanto）」，而樂園本身又位於日本關東（Kanto）地區，真係一個巧妙嘅雙關。

樂園主要分由「寶可夢森林」及「草紗鎮」兩大區域，前者全長約500公尺，設有高低起伏嘅山路、草叢、隧道等地形，遊客可以見到各種Pokémon在該地嬉戲、奔跑、戰鬥嘅場景。而後者則設有琳瑯滿目嘅Pokémon訓練員市集、Pokémon中心同道館，並有兩個機動遊樂設施，等遊客可以盡情體驗Pokémon世界嘅樂趣。