真人真事：我有個朋友個老豆係從事勞動工作。話說近排天口，鍾意飲啤酒嘅世伯珍而重之咁將罐啤酒雪入雪櫃深深處，諗住收工返黎可以爽一爽。點知返黎之後發現罐啤酒畀人拎咗出黎變咗「暖啤」，身心更嘅世伯就真係走去Hi呀Auntie，結果演變成一場家庭糾紛。

係嘅，作為男人，係好明白點解世伯對罐凍啤酒咁執著，因為飲完嗰下真係爽嘛！但我哋又唔怪得呀Auntie，因為個雪櫃真係好細嘛！咁解決方法係咩呢？就係呢個「男人罐」ManCan啦！

呢個以不鏽鋼製成嘅酒桶容量1加侖(即係128安士/大約為3.8L)，即係幾乎可以裝到11支啤酒，而且仲防漏防爆，絕對安全。但如果佢只係一個鐵桶，咁就唔使我哋介紹啦係咪？所以更加重要嘅係喺個罐上面嘅二氧化碳調壓器(CO2 Pressure Regulator)同軟管噴咀，等你隨時隨地斟出酒吧級生啤。再用返人話講多一次，ManCan就即係你嘅私家生啤柱嘞。