自從2022年《奇異博士2：失控多元宇宙》上映後，Fans們都非常好奇「紅女巫」Wanda Maximoff呢個角色係咪就此完結，但佢嘅故事似乎仲未結束！最近Elizabeth Olsen喺一個活動上，坦言自己非常鍾意Wanda呢個角色，並表示樂意回歸MCU。

最近Elizabeth Olsen出席普頓國際電影節活動「A Conversation With...」，大談個人職業生涯，並表示願意拍更多超級英雄電影：「呢個係我愛熱嘅事業，亦係我一直都想回歸嘅事業。我覺得過去5年最特別嘅地方，就係我喺呢個角色上，做咗好多我從未諗過嘅嘢。漫畫入面仲有啲發展線，我好想去演繹，而且我相信Fans們都想睇。」

至於講到超級英雄片疲勞問題，Elizabeth Olsen就表示：「有啲演員可以喺長篇電視劇入面，長期咁扮演同一個角色，但能夠成為大型系列電影嘅演員其實唔多。我知文化上大家可能有啲疲勞，但呢啲作品有一種家庭嘅感覺。世界上真係冇其他嘢可以同呢種感覺比較，如果要再有類似經歷，除非係一套長篇嘅劇集。我幾鍾意呢種穩定感，而且有工作保障嘅感覺真係幾好，相信大家都會認同。」除此之外，佢仲表示：「呢啲電影唔係拍畀影評人睇，而係拍比Fans睇。」似乎係暗批近年不斷批評MCU作品嘅影評人。

Marvel Studios主席Kevin Feige喺今年CinemaCon上曾透露，《Avengers 5: Doomsday》仲布更多演員名單尚未揭曉，唔知會唔會有Wanda呢？各位拭目以待吧！