你仲係用緊旅行嘅時候拎嘅膠鬚刨? 仲係會比剃鬚刀整損? 不如試下對自己好啲，咁你先會有吸引力!

以高速風筒打入市場嘅家電品牌Laifen，今年正式進攻男性市場，推出新品T1 Pro以及P3 Pro兩款高速電動鬚刨，以超高性價比為你帶來極佳理容體驗。 

Laifen今次推出嘅 T1 Pro以及P3 Pro率先最吸引眼球絕對係由整塊航空級鋁合金CNC打造而成嘅機身，外型質感超級Cyber，絕對係傳統鬚刨塑膠嘅感覺有極大差異。

其中T1 Pro機身輕薄至12mm，僅重93g，輕便及握感舒適，適合鬍鬚較少，每日剃鬚男士。

而P3 Pro表面嵌入則一塊抗指紋塗層2.5D鋼化玻璃，你可以直接睇穿玻璃見到摩打嘅運作，相當具未來感，而更重要嘅係其手感非常好，拎住佢輕鬆完成剃鬚。

黎到今時今日，機械又點少得演算法，T1 Pro以及P3 Pro通過PID動態補償演算法，可以智能感應鬍鬚狀態，隨時調節切割動力，適應不同面部角度，減少拉扯及不適感，令你基本上一定唔會受傷。而IPX7級防水並支援乾剃及濕剃兩種模式，機體亦可用水洗，加上磁吸刀頭拆卸冲洗更方便。

另一個方便嘅係，兩款鬚刨都可以使用Type-C充電，咁就唔需要額外專用充電線啦，相當User Friendly。

同電話一樣，兩款鬚刨都設有飛行模式，所以就算旅行工幹帶出外都唔怕誤觸，又係十萬個方便!