琴日同大家介紹過DX超合金魂嘅鐵甲萬能俠二號、又同大家睇過篠崎愛嘅威力加強版「Breast Fire」，相信一眾永井豪迷都相當滿足。但老老實實，三千幾銀個Figure我唔捨得，今生今世又冇機會見到G Cup，咁我又點懷念永井豪老師筆下超級機械人呢？

有，因為香港即將出現全球最大嘅七米高鐵甲萬能俠！！出黎啦！萬能俠！落去啦！朋友號！

話到明「珍藏基地」，商場內當然會有永井豪老師嘅珍藏展。在L2嘅展區就會展出老師嘅創作手稿、漫畫原稿以及多款經典模型，亦會有Q版萬能俠同三人萬能俠G，仲有利志達、甘小文、林祥焜、阿梁而以兩位來自馬來西亞嘅畫師：DC Comic漫畫家陳永發同《USER》作者盧穩亢製作嘅特別插畫。