心理懸疑推理漫畫《死亡筆記》憑藉新穎的題材，加上縝密的思維，立刻風靡萬人，成為漫畫界的新經典。繼拍成動畫、電影及改編為舞台劇之後，《死亡筆記》日劇終於喺月初剛剛播出，但播出後眾人都有極大反應，主要原因唔係因為新的彌海砂唔夠電影版靚，而係因為聰明絕頂的夜神月突然變到豬咁蠢！

2006《死亡筆記》電影版由藤原龍也飾演夜神月；松山研一飾演L；戶田惠梨香飾演彌海砂。當時大家都覺得松山研一演技出色，而戶田惠梨香亦非常可愛，對角色大致上都感到滿意。

網友このえ@槍鯖の漁師在喺Twitter上貼出兩位女主角的照片，然後作出比較，並且表示︰「果然電影版跟電視劇版的對決要看女主角。」

唔比較都仲好，一比較喇喎……

網友們都一致認為戶田惠梨香壓勝佐野雛子。

但咁都唔係呢套日劇最令人崩潰的地方。令觀眾嘩然的是，呢個版本的夜神月由高智商高中生，變成平凡大學生，但夜神月所表現出來的智商，竟然係低到一個點！！！

證據就係以下呢段！