噴射流攻擊！黑色三連星豆腐開售！

文：MenClub 魏文青　　
POSTED ON 21 Aug 2015

早前就曾經出過一系列「自護」豆腐嘅日本「相模屋」又有新搞作啦！今次係「黑星三連星」豆腐！

相模屋嘅「自護豆腐」系列已經黎到第四彈，前三彈分別係「渣古」、「魔蟹」同「魔霸」。今次新出嘅黑色三連星就係一套3款，有齊哂「佳亞機」、「馬殊機」同「奧迪卡機」，口味方面就係「Milde」、「Bitter」同「Milk」三種朱古力味。今日開始於日本各大超級市場同百貨公司有售。

與此同時，每次有自護豆腐開售都會舉行嘅「戰地實況」攝影比賽亦都開始咗。簡單啲黎講就即係叫啲粉絲利用呢三款豆腐，再加各種唔同嘅食材製造出各種「戰地場境」再影相投稿。例如以下呢幾款試作品，就用上西蘭花、芹菜、棉花糖等等食材。