{ SKIP }

POSTED ON 12 Jan 2016


尋日朝早就有電影金球獎,見到李安納度拎到影帝大家都好高興,夜晚都仲有一個金球獎喎,之唔係FIFA嗰個囉,得主就係已經第五度得奬嘅美斯。其實都唔係好意外,始終美斯帶領左巴塞過左非常豐盛嘅一年,完成左三冠王之餘,連歐洲超霸杯同世冠杯都贏埋,而個人數據亦都非常可冠,淨係比冠軍,2015年C朗已經輸晒。


喺個人數字方面,上季美斯總共為巴塞上陣61場入咗52球,仲有25個助攻,雖然C朗上季都入咗61球,不過問題係C朗係球會嘅成績就輸俾美斯一條街--皇馬上季四大皆空呀嘛。所以就算出面吹到三個鬥到最後嘅候選人競爭有幾激烈都好,其實一比球會成績,我阿媽都識揀美斯啦!至於國際賽成就,美斯就係差些少嘅,因為上屆美洲國家杯阿根廷又飲恨。不過唔緊要!反正C朗一樣無世界盃,講國家隊大家都係海軍鬥水兵,無所謂啦。不過美斯賽前訪問,都話拎世界杯比拎金球獎更重要。


至於尼馬呢?尼馬都仍然進步緊,不過始終前面仲有美斯C朗尼兩座大山,想拎金球奬仲要等下,而且尼馬仍然差咁啲大將之風,有時喺球場仲有些少唔成熟嘅表現。好似上季西班牙國王盃對畢爾包咁,見就無時間又贏緊三球走去玩彩虹過人,唔止俾外界鬧佢唔尊重對手,連部份隊友都幫理不幫親,批評尼馬咁做會自找麻煩,除左練好啲波,更加要修心養性;至於又點解無蘇亞雷斯?一句到尾,成日咬人形象差囉。

又其實,FIFA其實冇定過拎金球獎要有乜野資格,總之所有國家隊嘅教練同隊長,加埋記者投票選出嚟就係。雖然同特首選舉一樣都唔係真普選,不過相信應受性都幾高啦。所以有時球員嘅個人形象同埋與傳媒嘅關係,都會對球員贏唔贏到金球獎有影響。亦有人會講商業價值都會左右大局,大家都知美斯同C朗分別係Adidas同Nike嘅代言人,所以某程度上金球獎都係兩個品牌競爭嘅場所。而Nike近年都開始將重心擺喺尼馬身上,相信對C朗今次失落金球獎都有少少關係。



但相信好多人對於每年金球獎都係C朗同美斯之爭都好厭倦,無辦法,某程度上都同足球世界主流戰術越嚟越重視整體戰有關,可以一騎當千嘅球王亦因而少之又有,仲有個原因就係,事實而家嘅球星同十幾年前比真係差得遠囉。以前連打中堅嘅簡拿華路都可以拎到金球獎,而家相信都無呢支歌仔唱囉。



Robert Downey Jr. (RDJ) 以及 Ryan Reynolds都係充滿個人魅力及性格嘅當紅演員,不過或者就係因為佢哋太有性格,所以近日就傳出二人於《Avengers: Doomsday》嘅片場中炒大鑊,甚至要Marvel介入先平息事件。另一方面 ...
hobby
【影視】網傳RDJ與死侍於《Doomsday》片場炒大鑊 消息人士闢謠:「佢兩個都無見過面」
28 Aug 2025
1 最近一款以港式警匪片為題材嘅雙人合作遊戲《港警成雙:來自城寨》公開首部預告,除咗還原出舊式唐樓、九龍城寨、霓虹街道等香港特色場景,仲要有爆晒粗嘅粵語配音對白,而且兩位主角仲有啲似甄子丹同劉德華... ...
hobby
【電玩】 雙人合作遊戲《港警成雙:來自城寨》預告公開 港產警匪片劇情+粵語配音+港式武打
27 Aug 2025