圖片：Standard

曼迷由5月都好忙J摩連奴、J呂布、J米希達恩，之但係舊嘅唔去新嘅又點嚟呢？BBC就報導咗效力咗曼聯29年嘅副領隊傑斯將會同球會解約，而副領隊就由摩佬嘅親信Rui Faria接替，唔知各位曼迷會唔會有少少唔捨得？

傑斯一路都認為自己已經準備好教紅魔，因此認為自己係雲高爾最佳嘅接任人，不過曼聯搵咗摩連奴候領隊就令傑斯再思考喺曼聯嘅前途問題，一來佢對摩連奴並無好感，二來佢已經唔想再做副手。事實傑斯如果想一嘗執教鞭滋味，而5月時史雲斯就想搵一樣來自威爾斯嘅傑斯候領隊，但係就不了了之。

如果傑斯真係有決心做領隊，絕對需要出去闖下，始終42歲先開始做領隊其實有啲遲，而且傑斯成個職業生涯都只打過曼聯，忠心係忠心，但如果繼續屈喺曼聯，對佢做領隊都唔係好事，而家下定決心離隊都係好，到喺出面學有所成，再返嚟曼聯坐正，對傑斯本身同曼聯都係好事。

李羅渣 (facebook page: https://www.facebook.com/leerogerfcpage/) 

八十後、忠實曼聯球迷、唔忠實嘅愛華頓球迷、前網台節目主持、Menclub足球文章作家、演員

由懶到出汁變成泰拳愛好者

除咗足球最鍾意就係睇戲、睇書、飲兩杯唔求發大達，最想成為有些少生活品味嘅偽文青。