呢個系列以《數碼暴龍大冒險tri.》為藍本，分別有背囊同手抽袋兩款。先講背囊，主要係黑色布料再加上八個「被選中嘅細路」嘅紋章，再配以同樣代表八個細路嘅八色裝飾。加上個袋係Outdoor出品，除咗大容量，仲有專放電腦嘅位置，可以由側邊打開嘅設計亦方便拎嘢。

至於手抽袋方面就更加低調，用上同背囊一樣嘅布料，但就冇哂八色裝飾，換黎喺正面Logo 位置嘅八色車線，更加適合鍾意低調毒嘅你。