{ SKIP }
文:MenClub Mean娜  圖:MenClub
POSTED ON 10 Sep 2014

以下將介紹一種新款安全套,讓閣下可以貼身體驗刺激又安全嘅「碰碰碰」運動,不過呢種安全套唔係畀你小弟弟著嘅,而係畀小弟你~著嘅。係呀!係由頭笠落你個身度呀,因為呢個就係任你點碰撞都冇事嘅碰碰球囉!





近兩、三年,碰碰球喺歐美愈見流行,成班人身穿巨膠波踢足球通處走,最好笑係腳都未掂到個波,雙方身上嘅碰碰球已經撞埋一齊,兩人向後彈開再碌地沙,場面笨拙又好笑。


碰碰足球由英國測量師Lee Moseley發明,Moseley發明目的純粹想人舒展筋骨兼大笑一番,所以冇設計特定玩法,總之要你互相激撞,入到龍門就攞到分。


碰碰球似足巨型保護罩,由頭蓋到落Pat Pat,加上球內繃緊嘅繩索令碰碰球比水泡更紮實,只要握實手把,無論你點樣360度反轉再反轉,仍安然無恙。



香港碰碰球協會創辦人之一Henry喺Youtube認識到碰碰球呢種新興玩意,覺得遊戲概念好特別,點撞都冇穿冇爛,於是購入幾個碰碰球,同班Friend搵個草地撞吓,發覺冇受傷之餘仲可以無限翻滾,感覺非常過癮,有傳統運動畀唔到嘅新體驗,於是大量引入,正式喺今年五月底開張做。


Henry讀環境科學出身,畢業後一直想創業,曾經同朋友搞過啲小生意,但成績都唔理想。據知碰碰球開業至今,booking不絕,預約期已排到聖誕,而碰碰球冇特別體能要求,基本上大人細路都啱玩。



遊戲類別

香港碰碰球協會嘅遊戲有三種,分別係「碰碰足球」、「關鍵時刻」以及「生還者」。

碰碰足球顧名思義就係著住碰碰球踢足球,由於目的就係要你哋喪撞對方,所以冇任何規則可言,將個波踢入龍門就有分。

關鍵時刻係每隊要爭相踩入「得分圈」內,對手就要將企喺「得分圈」內嘅敵人撞飛,成個比賽中喺「得分圈」內企得較多秒數嘅一隊為之勝利。

生還者就係要大家互相厮殺,撞出劃定嘅「生還」範圍外,最後留低嘅人就係Winner。


穿著方法

先將碰碰球手把向下放在地上



跪低身體塢向前,鑽入碰碰球內



雙手穿過肩帶,緊握手把



企返起身,禮成。



跌倒起身的方法

無論向邊個方向跌倒,只要面朝地下伏向前方,然後用膝蓋平衡,就可企起身。





小編都親身體驗過碰碰球,咪睇佢成個巨型水泡咁以為會輕飄飄,原來一個閒閒哋都成十幾磅重,冇返咁上下氣力都真係跑唔郁,笠住佢跑3分鐘左右都經已索晒氣夠晒皮。想減肥嘅朋友不妨訂返個笠住落街跑步,但唔擔保你笠住個波仲可以入到電梯囉~
Netflix真人版《ONE PIECE》第二季正如火如荼拍攝中,最近官方正式公布最後兩位要角「沙鱷魚」及「魯賓」人選,並搶先曝光索柏背影片段,唔知正面會係咩樣呢? 據官方報導,曾於Tobey版蜘蛛俠扮演Flash ...
hobby
【影視】真人版《ONE PIECE》公開「沙鱷魚」及「魯賓」選角!索柏疑似採用CG動畫呈現?
20 Sep 2024
如果係對LEGO稍有留意嘅讀者,相信都對香港唯一LEGO專業認證大師(LEGO Certified Professional)郭子健(Andy)唔會感到陌生。而黎緊你就有機會見證Andy與超過1,000名年輕人聯手完成全長26米嘅立體《清明上河圖》, ...
hobby
【本地】本地大師製LEGO版清明上河圖 全長26米破世界紀錄
20 Sep 2024