陪伴住一眾80後讀者成長的「Jump御三家漫畫」：《海賊王》、《火影忍者》同《死神》，前者劇情無盡嘅展開，應該到我個孫出世都唔會完到，後者作畫漸漸「空白化」之後，近期劇情已經成為「一堆三唔識七嘅人跑出黎比另一班三唔識七嘅人秒殺」的無限Loop劇情。

淨返嘅《火滾撚者火影忍者》，中後段劇情開始「韓劇化」，忍界大戰又變咗做「超人打怪獸」，滿以為打完「輝夜母親大人」終於可以完滿結束，點知一個唔該佐助又要同鳴人打過，好啦當我接受現實，諗住佢兩個淨係「口循」都要循返一年半載之際，佢又突然宣佈會喺11月10日發售的《Jump》第50號正式完結喎！

下？你話《疾風傳》係第二部，咁第三部去咗邊？唔好玩啦，佢連一開始強調嘅「努力、熱血」，到後期都變咗做血統大比併，你覺得佢仲會記得自己講過有三部？就算佢記得，你真係想睇？

咁睇黎12月呢套《Naruto最後的物語》劇場版，就真係最後啦！