講起斐濟，除咗會諗起佢哋打Rugby好勁，同會跳戰舞（定係紐西蘭呢？）之外，大家對呢個南太平洋小島嘅印象就應該係「陽光與海灘」。事實上斐濟亦都真係一個非常著名的渡假勝地，擁有大量高質素渡假區。而其中 Laucala Island Resort就係當中的代表之一。 

佔地超過3500英畝，椰林樹影底下有廿五座別墅、N個室外池、沙灘、庭院，再加個365度全海景(Launcala "Island", 真係個島黎)。真係咩都唔做齋坐都爽。如果想有啲嘢玩，亦都可以試下潛水、熱帶雨林遊而及四輪車探險，係咪好「GoPro」呢件事！

咁幾錢？我Check過，最平嘅房大概係HKD$36,000一晚，即係如果你公司準備賣盤，個買家冇啦啦比咗五千萬你叫你「咩都唔好做」，你就可以用呢筆錢喺到住三年半。抵到爛啦！