截至目前為止，全球有超過30萬人死於武漢肺炎之下，絕對係人類史上一場大災難。但，呢場災難亦間接地為日本帶來一個「正面」嘅效果，就係自殺人數大幅下降。

大家都知日本係一個去旅行完美、生活麻麻地嘅國家，「日本自殺率高」亦係大家經常聽到見到嘅日本「特徵」之一。而每年春天寒假過後，即係大概依家呢個時間，由於開始返工返學，面對工作、學業、朋輩壓力，往往就係自殺高峰期。但根據日本厚生省最新公佈嘅數據，2020年4月自殺人數為1455人，比起上年同期減少近20%，亦係過去五年同期數字中最低嘅一年。報導指因為武肺影響，日本大規模停課及Home Office，變相令人們遠離壓力來源，自殺人數亦相應下降。

雖然話呢個減幅係以更多其他人嘅健康「換」黎，而且講到尾都係有超過1400人選擇了結自己嘅生命，但亦反映出只要多啲時間喺屋企，就已經能夠大幅減輕壓力。講開依家科技咁發達，有啲咩係一定要返Office先做到？既然係咁，即使疫情過後，不如都多啲home office啦，慳返一來一回兩程車，工作效率高好多囉。