{ SKIP }
文:MenClub 魏文青  
POSTED ON 22 Jun 2020

夏天除咗熱之外,最麻煩就多蚊蟲,而蚊蟲之中最恐怖嘅又要數曱甴——因為就算你本人唔驚,你都會比隔離條友嘅恐怖尖叫嚇親,所以如何消滅曱甴就成為大家夏天必定研究嘅課題。你以為唔使用劍用黑X風就得?日本網民近來就熱烈討論緊一隻殺蟲劑,話佢非常好用,但同時非常恐怖!

圖片:フマキラー ゴキブリ 駆除 殺虫剤 スプレー ワンプッシュ プロプラス on Amazon

呢隻「ゴキブリワンプッシュプロプラス (意譯:曱甴一下清Pro Plus)」近日成為日本Amazon上殺蟲劑類別嘅銷售第一,再睇睇下面嘅用家評測,就發現佢嘅殺蟲威力深受用家認可,但同時佢哋亦提醒有意試用嘅人要小心,事關「曱甴一下清Pro Plus」嘅原理,係噴喺曱甴出沒嘅地方(例如廚房),殺蟲劑會滲入各個黑暗罅隙令曱甴中毒,但同時亦會留返些少時間等佢走出有光嘅地方,方便大家執屍。

但正因為佢呢個原理,兼且佢真係殺到蟲,唔少用家反映用完之後,一夜之間十幾廿隻曱甴等緊你執係平常事,多嘅甚至五十隻都有,而且有人亦指曱甴雖然係反咗肚,但其實未死透,試想像下一起身就見到一地曱甴腳撐撐等緊你,你都咪話唔驚!難怪日本用家們會用「地獄繪圖」黎形容。

所以即使明知佢有用,唔少網民都因為驚面對「屍橫遍野」嘅畫面而唔敢用,唔知大家又情願置之死地而後生,定係冇眼屎乾淨盲呢?

早前有消息指出《Once Upon A TimeIn Hollywood》(以下簡稱《從》)將會開拍劇集版,電影版導演Quentin Tarantino負責劇本、並交由David Fincher執導,同時Brad Pitt亦會回歸出演,但另一主角由Leonardo DiCaprio是 ...
hobby
【影視】Leonardo拒演《從前,有個荷里活》劇集版 Netflix出天價300萬美金拍一日
22 Apr 2025
吉田修平認為,Switch 2過度強調硬件效能提升,而非創造出全新遊玩體驗,任天堂正失去其品牌特色。 過去幾十年,任天堂一直致力創造全新遊玩體驗,而非單純追求硬件升級。例如DS系列引入雙螢幕設計,其中 ...
tech
【電玩】前PlayStation高層吉田修平評價Switch 2:任天堂正失去他們的特色
17 Apr 2025