日本大阪將於2025年舉行世界博覽會 (萬博)，亦係1970年大阪首次舉行萬博 (即係《20世紀少年》入面提到嗰次) 及1990年再次舉行後，大阪第三次舉行萬博。而近日主辦機構「日本國際博覽會協會」就公佈咗萬博2025嘅標誌，結果卻惹黎日本網民一陣諷刺，有人話佢似零食桃哈多喎！

キャラメルコーン「ｺﾛｼﾃ…ｺﾛｼﾃ…」 pic.twitter.com/p7X4vM3YCS

— パスワードが間違っています (@errorightn) August 25, 2020

萬博2025嘅主題係「人類5.0」，而呢個唔知點用文字形容嘅標誌名為「いのちの輝き (生命的光輝)」，設計理念上繼承1970年萬博以DNA為靈感嘅「細胞」標誌，對比一下就發現「いのちの輝き」將「細胞」本身如梅花一樣排列嘅五個缺口圓分佈於一條有於炸麻花一樣嘅紅色條狀物上，而個缺口亦換成藍色，結果就好似有好多隻卡通眼仔咁……難怪有人話佢似桃哈多，又有人話佢似「瘋狂人類科學家嘅實驗品」啦！

1970年嘅萬博Logo