既然係咁，不如認真地添置吓啲雨天裝備，琴日咪同大家分享咗《下雨天4大時尚配件》，排首位嘅長雨傘絕對喺雨天繼續「型落去」嘅必備工具之一，但當你真喺走去買咗把又型又靚嘅雨傘之後，例如，Fox Unbrellas出品嘅長傘，classic外表之餘，價錢亦有番咁上下，你當然會珍而重之，唔想周圍亂咁擺，呢個時候，幫你「撐」起把矜貴雨傘嘅雨傘架，點都要配合番身份，就絕對唔可以馬虎！

以下有幾款選擇，外型簡約得嚟，設計用意全部都花上心思；

來自加拿大嘅Non-Useless，新推出名為「Catch my drip」嘅雨傘架，賣點一定喺慳位，先得6.5寸闊，你鐘意放喺邊都得，最緊要一點，佢完全能夠將你把價值不菲嘅名遮，無摭無擋似足藝術品咁樣展示出嚟。

另一個慳位設計，就喺由Carlo Contin負責創作，一個個類似小錐形嘅雨傘架通通黏埋牆，你鐘意一排列陣咁放又得，又或者鐘意黏喺屋企不同位置，十足裝置藝術咁樣亦得！

最後，有來自意大利嘅代表，Alessandro Busana設計出一個類似杯型物體雨傘架，命名為「Cup-Superstudio」，可以拎雨傘站穩之外，亦可以套係雨傘上用嚟收集嘅雨水，方便之後清理，設想周到。

資料來源︰mydesy.com