預設場景，同成班朋友一齊BBQ，其中有位女士係你心儀已久，你成日都希望可以幫到佢，以獲得好感再打蛇隨棍上追求佢，好啦，機會終於嚟啦，佢拎住枝啤酒但四圍搵唔到開瓶器，就係呢個時候，你隨手係褲袋入面拎出秘密武器，即時幫佢成功開瓶夾順勢打開話匣子。

呢個秘密武器，就喺由Everyman設計嘅「Porter Key Knife」，驟眼睇落去，純粹似一條普通黑色鎖匙，但其實佢暗藏玄機，可以一物兩用，可以當做開瓶器之餘，亦內藏刀片一把，隨時拎起手就可以開箱開瓶，最緊要外表夠晒型，啞黑用不銹鋼設計，極度輕便，唔似一般萬用刀外形，一眼就俾人睇穿，講真，萬用刀咁多功能，你最常用喺邊兩種？咪又喺開瓶器同埋把刀，所以就將佢功能從簡，平時可以當做鎖匙扣，幫人於無形。

資料來源︰kickstarter.com