香港呢邊嘅樓就出名窗台大，咁比利時安特衛普嘅樓又出名咩呢？

就係屋企嘅玻璃門特別大，幾大？咪全世界最大囉！夠巴閉未！位於該城市內，其中有座兩層高嘅townhouse剛剛進行翻新工程，設計師為咗達成屋主每日都想吸盡自然光嘅心願，就專登將屋後面向花園嘅門換成全玻璃門設計，將後花園景觀一覽無遺。

呢道玻璃既然做得全球最大，份量肯定十足，估計約4噸重、20尺高，如果畏高者去到2樓望落地面都應該有啲怯。呢度玻璃門需要特意訂造，都明嘅，相信世界上都無乜邊幾間屋需要裝上咁大道門囉。