嚟到夏天，就係各位「巴打」盡騷body嘅時候，為咗要係海灘還是跑步徑上，均有信心地騷肌，未到炎夏，大家就已經秘密練兵，日操夜操，務求要令到個body成為在場人士焦點，雄性動物羨慕，雌性動物尖叫！

但，你有無發覺當你日日夜夜狂操之後，得出嚟嘅結果好似唔成正比，或者，覺得個效果唔太顯著？如果你發現有咁嘅情況出現，有可能係操練姿勢唔正確之外，亦由於下列原因所致；

1.即時沖涼

次次操練完肯定成身大汗，仲唔即時去沖返個靚涼咩！原來咁樣就會錯過補充營業嘅最佳時候，打後先補充嘅話，能量吸收方面會相對差咗。下次健身後，大概30分鐘內就要先補充足夠養份，維持身體能量先有效。

2.忘記補水

好多人諗住做完運動，口唔覺太乾就索性水都唔飲走去沖涼，但由於體內循環調節需要水份嚟進行，缺少水份只會影響健身效果。所以，記得做運動之後或其間都要補充足夠水份，幫助體內循環。

3.抗拒進食

坊間普遍認為，做完運動之後都唔應該進食，以免身體在更易吸收嘅情形下更易變肥，但碳水化合物及蛋白質，都係運動健身後為肌肉進行能量補充嘅營養物，若果缺乏嘅話，肌肉係唔可能得到支持。

4.操練後飲酒

當你操練後出完一身汗，好想即時降溫，男士們都會以酒代水爽一爽，但事實上，酒精嘅高熱量會影響你嘅訓練成果，所以呢，出完一身汗之後最好都係飲水啦！