等到班星戰粉絲條頸長到不能再長，《星球大戰 7：原力覺醒》（Star Wars: The Force Awakens）終於等到今年年底上畫，預告片亦已經正式發放，大家可以安心做定功課，重溫之前六集再入場。星戰系列是經典中的經典，全球儲埋嘅粉絲數量真係多到計到計唔到，名符其實是一隻會生金蛋的雞，只要稍稍用上它的名氣，任何產品的銷量都應該有所保証，包括雜誌封面。最新一期男性雜誌《GQ》封面，就邀請到喜劇女演員Amy Schumer扮Leia公主，穿上差不多的戲服及扮相，同C－3PO「上床」兼開party，效果幾funny，不過一班星戰迷like唔like呢？